الناشر م/ وليد حجاج (© صائد الهاكرز) - لطلب المساعدة اضغط هنا
Google History

للسيدات فقط : ازاى تعرفى جوزك بيخرج يروح فين من 5 سنين بمنتهى السهولة

طبعا ناس كتير ممكن تكون مش مصدقة و بتقول ايه ده ….هو الكلام ده ممكن يكون حقيقى ؟

ممكن سعادتك تتاكد من الموضوع ده و للعلم هو مش جديد ….جوجل بيخزن كل حاجة بتتعمل على الانترنت و الاماكن اللى بتزورها و كمان كلمات البحث و حتى مقاطع اليوتيوب اللى عجبتك او شفتها …يعنى ببساطة لو المدام عرفت كلمة سر حساب تليفونك الاندرويد ممكن تعرف عنك كل حاجة و اكلت فين و زرت اماكن ايه و اكثر الأماكن اللى بتزورها…..كل ده بيحصل بمجرد انك تسجل دخولك على حساب جوجل من المتصفح و تعمل حفظ لكلمة السر به ….ما تيجى نشوف احسن ؟؟!!!

افتح الرابط او اللينك ده https://www.google.com/maps/timeline و اتفرج على كل الأماكن اللى زورتها و كل تحركاتك باليوم والدقيقة. اختار التاريخ اللى عايز تشوفه و لمدة تصل لسبع سنوات وهتشوف رحت فين و عملت ايه و كمان مسجل عليه جميع الأماكن اللى زورتها وأكتر مكان بتحبه،و تلاحظ الموضوع ده بوضوح بعد ماتشتري موبيل جديد بفترة قصيرة من استخدامك نفس الحساب اللى كان على التليفون القديم هتلاقيه من نفسه بيقولك “50 دقيقة للوصول للمنزل” ايه ده هو جوجل يعرف بيتى و شغلى !!!؟؟

و طبعا اللى ميعرفش نقول كمان  ( اليوتيوب و جوجل هما وجهان لعملة واحدة ) و للسبب ده انا دايما بحذر من سرقة حسابات جيميل Gmail او الغاء الحساب و ترك القديم مفعل و معرض للسرقة.

الموضوع كبير و يطول شرحه بس ديه معلومة كده على الماشى ..اما عندى لما جربت فى حسابى الشخصى لم اجد اى شىء من تحركاتى عارفين ليه ؟؟!!

ده اللى هقوله بس فى موضوع منفصل عشان اشرح فيه الخطوات ازاى تقفل كل الكلام ده عشان محدش يعرف بتروح فين.

Google History

للمشاركة:
الرابط المختصر للمقال هو : http://hackershunter.com/l6hEJmp3


الناشر م/ وليد حجاج (© صائد الهاكرز) - لطلب المساعدة اضغط هنا
الناشر و رئيس التحرير م/ وليد حجاج (© صائد الهاكرز) - لطلب المساعدة اضغط هنا